LOS ANGELES, Merca- E matrimonio forma pa George y Amal Clooney a haci un donacion di mey miyon dollar (400 mil euro) na e movimento “March For Our Lives”, un marcha nacional di famia cu lo tuma luga diasabra awo na Washington, den protesta contra di violencia cu arma y tiroteonan masivo.
Den un comunicado publica, pareha Clooney a sigura cu nan lo ta presente den e marcha y a elogia e accion di e studiantenan di e instituto Marjory Stoneman Douglas, di Parkland (Florida), kendenan a reclama un miho control den e benta di arma despues di e tiroteo den e centro estudiantil cu a caba cu bida di 17 persona.
George y Amal Clooney a enfatiza cu e donacion di mey miyon dollar a wordo haci nan nomber di nan yiunan morocho, Ella y Alexander, di 8 luna.
“Amal y ami ta sinti nos hopi inspira pa e curashi y elocuencia di e hobennan aki”, segun un comunicado di e pareha. “Nos famia lo ta eynan dia 24 di Februari cu e increibel generacion di hobennan procedente di full e pais”, el a agrega.
Fuente: https://www.efe.com