Ministerio Públiko (OM) di Kòrsou ta konfirmá ku Sr. George Jamaloodin mientrastantu a keda trasladá di suidat di Valencia pa kapital di Venezuela, esta Caracas.
Na Caracas e ta bai ser presentá na Korte, por sierto e mesun Korte ku a ordená su detenshon di djabièrnè. Ministerio Públiko di Kòrsou ta ekspresá su satisfakshon tokante e manera di presentá i aktua di outoridat Venezolano i ta aploudí e bon koperashon ku tin entre OM na Willemstad i Ministerio Públiko di Caracas.
Ministerio Públiko Kòrsou ta spera ku pronto lo risibí mas informashon tokante e kontinuashon di e prosedura hurídiko i ekstradishon di e sospechoso.