DETROIT, Merca – General Motors Co ta planea pa stop di ofrece vehiculonan na India pa fin di e aña aki y lo bende su operacionnan na Zuid Africa, e ultimo medidanan den un strategia pa concentra placa en efectivo y esfuersonan di ingenieria den menos mercado cu ta mas rendabel.
E compania di auto Mericano a bisa diahuebs cu nan lo asumi un cargo di 500 miyon di dollar den e di dos trimester pa e reestructuración di su operacionnan na India, Africa y Singapore.
Tambe lo cancela e mayor parti di un inversion planea di 1000 miyon di dollar pa construi den un liñanobo di vehiculonan di costo abao na India.
Rond di 200 miyon di dollar di cargo o ta un gasto en efectivo, GM a informa. E compania di Detroit a bisa cu nan ta spera cu e medidanan lo permiti awo 100 miyon di dollar pa aña den un sector di su negoshi global cu e aña pasa, a perde cerca di 800 miyon di dollar.
E presidente di GM, Dan Ammann, a bisa Reuters den un entrevista cu e ultimo anuncionan di reestructuración lo permiti GM concentra mas placa, esfuerso di ingenieria y tempo di gestion senior den expansion unda cu e compania ta fuerte, incluyendo e unidadnan na China y Norte America di vehiculonan urbano deportivo (SUV’s).
GM tambe a bisa cu lo inverta cerca di 600 miyon di dollar pa aña den esfuersonan pa desaroya vehiculonan autonomo y servicionan di transporte.
Fuente: http://lta.reuters.com