Gastonan medico di AZV a baha hopi, ya cu mas y mas dokternan ta prescirbi remedinan generico. Sr. Anko Ringeling, director saliente di AZV ta splica.
E remedinan generico aki a wordo getest na varios ocasion y na diferente manera na otro paisnan grandi, cu laboratorio. E remedinan generico aki ta di bon calidad. Locual ta wak den hopi pais, un biaha mas, cu poco poco ta reemplasando e remedinan di marca pa remedinan generico cu ta hopi barata. Esunnan di marca, ta paga pa e patent, cu na dado momento e ta caduca, unda cu otro por fabricanan y nan por baha e prijs hopi, segun Sr. Ringeling.
Si un hende, na dado momento a custuma cu un remedi di marca, e ora ey, e tin confianza den e remedi ey. Y si bay cambia e remedi, lo topa cu resistencia. E tin mas di haber di custumber. Pero ta algo cu mester tene cuenta cun’e. Un pashent cu ta cuminsa cu cierto remedi, cuminsa di biaha cu e remedi generico.
AZV a bisa esaki hopi biaha caba, pero mester wak tambe cu un pashent ta yega un boticario y ta pleita cu esaki ora cu e no haya e remedi cu e kier. Hopi biaha AZV a splica na e boticarionan cu nan tin e deber di informa e pashent, cu e remedi ta di bon calidad. Mester tuma tempo pa splica e pashent di esaki. Mas y mas e boticarionan y asistente di boticario, como tambe e asistente di dokter, mester bira mas consciente cu di nan ta wordo rekeri un cierto nivel di servicio. Parti di esey ta duna informacion necesario na e cliente, segun Sr. Anko Ringeling, director saliente di AZV.