Gastonan di cuido medico na Aruba no ta mucho halto

0
RBC Juli 2018
Funmiles-2018

Si ta compara e gastonan den e sistema di cuido medico na Aruba cu otro paisnan no por bisa cu e parti medico vooral e parti curativo cu AZV ta cubri, cu e ta hopi halto, Sr. Anco Ringeling, director (Saliente) di AZV ta amplia.

Esaki ta al contrario si ta wak for di 2010 cu e aumento di e gastonan anual como indicador, por revisa e gastonan medico a subi cu un averahe a subi un 2,5% pa aña cu ta hopi modera aunke no ta normal cu e keda den aumento. Pero si ta compara cu otro paisnan cu tin aumento di alrededor di 12 of 13% di nan GDP ta hopi halto manera Merca y Europa, entre otro.

Na Aruba tin contempla tur e medidanan den cuido medico di AZV cu alrededor di 8% di GDP y ta controla e gastonan mas miho, anto na otro paisnan manera Colombia of Venezuela, unda nan ta conta e otro gastonan administrativo, y di salubridad publico pa nan por yega na nan porcentahe GDP y esey ta wordo yama National Health Account.

Hustamente Departamento di Salubridad Publico ta bezig preparando pa Aruba haya tambe un National Health Account pa por midi cuanto ta e gasto total di GDP den cuido medico, caminda cu un 8% den total di AZV e cual ta considera cu no ta excesivamente halto.

Con cu wak e gastonan ta bay sigui subi siendo cu tin influencia di factornan cu ta autonomo unda cu un compania di seguro por ehempel no tin influencia riba e aumento di e poblacion, entre otro.

Den relacion cu e introduccion di cierto servicionan nobo cu por haci na Aruba y no mester biaha manera e caterisacion cu por influencia pa AZV baha, siendo cu e gasto na prome instante e saldo no ta baha pasobra ora ta set up esaki ta sali mas caro, cu si ta manda un pashent na un pais grandi cu ta haci pa añanan largo e tipo di procedura asina, e ora nan gasto pa pashent ta mas abou.

Ta spera si pa finalmente por logra pashentnan di otro pais manera esunnan di Reino, St. Maarten, Bonaire pero hasta di otro paisnan tambe. Ta trahando riba esaki conhuntamente cu hospital pa por haci e procedura aki na Aruba, como tambe na ImSan. A lo largo sigur e gastonan den cuido ta bay cuminsa baha, segun Sr. Anco Ringeling, director saliente di AZV.

Comments

comments

C: Heineken
new india
dvg