Ganadonan di The Guardian Group Off-Road Triathlon Nacional

0

Aruba Triathlon Association a organisa dia 5 di november 2017 e GUARDIAN GROUP Off Road Triathlon Nacional. E evento a start 7:10 di mainta na Arashi Beach. Tawatin 30 atleta individual den distancia Sprint y 6 Relay Team. Distancia Sprint e tri-atletanan mester a landa 700m, core un distancia di 14 km riba bais y despues careda na pia di 4.4 km. Pa e distancia Super Sprint tawatin 13 atleta individual Kids y 11 atleta Adulto.
Distancia Super Sprint e tri-atletanan mester a landa 350 m, core un distancia di 7 km riba bais y despues careda na pia di 2.2 km. Landamento tawata na Arashi Beach mes. Ciclismo tawata e ruta Arashi Beach – Costa Norte (duinen) – Arashi Beach. Careda na pia tawata entre Arashi Beach. A participa un total di 72 atleta. E campeonnan pa GUARDIAN GROUP OFF ROAD Triathlon Nacional 2017 a keda den Categoria Kids Masculino Justin Morales, den Categoria Kids Femenino Rebecca Jansen, Categoria Masculino Renze Postma y den Categoria Femenino Linda Smith.

LEAVE A REPLY

Please enter your comment!
Please enter your name here