Gana bo auto nobo pa solamente 1 florin

0

Evolution Productions conhuntamente cu Comision Queen 2019 ta presenta un fundraising magnifico yena cu premio atractivo pa asina recauda fondo pa Comision Queen 2019.
Comision Queen 2019 ta den preparacion pa loke ta e temporada di Carnaval 65. E fundraising no ta solamente pa por participa y aporta na e celebracion cultural mas grandi di nos isla, pero Evolution Productions hunto cu Comision Queen 2019 tambe lo aporta na 5 diferente instancia entregando un parti di e suma genera. Nos ta consciente tambe con importante e ta pa semper keda apoya y aporta na fundacionnan cu semper ta traha duro na bienestar di varios causa importante den nos comunidad
E fundraising ta consisti di 3 premio fantastico y sumamente atractivo. E prome premio ta un Auto nobo nobo, Suzuki Alto GLX 2018. E segundo premio lo ta 1 pasashi ida y vuelta pa Miami, Florida. E di tres premio lo ta un Weekend Stay na Tropicana Aruba Resort & Casino. Bo tin chens pa gana un di e 3 premionan aki cu solamente 1 FLORIN. Bo ta duna un man na Comision Queen 2019 pa sigui aporta na e celebracion di Carnaval di Aruba y alaves bo tin e chens di gana premionan sumamente atractivo.
Tambe lo tin voluntarionan cu lo ta bendiendo ticket na diferente localidad rond di nos isla, entre otro tur Diabierna y Diasabra. E sorteo y anuncio di premio ta tuma lugar Diasabra, 1 di September 2018, Na Cas di Cultura pa 5 ‘or di atardi. Via tombola lo saca e premionan, cu presencia y control di notario Rodriguez – Taekema.
Pa mas informacion por bishita nos facebook page: Evolution Productions. Of por tuma contacto na 565-3432 of 593-4914 pa cumpra bo buki di 100, 50 of 25 ticket.

Comments

comments