Diferente bario rond Aruba tin necesidad pa asfalt pa mas 10, 15 y hasta 30 aña. Despues di asfalta camindanan na entre otro Sero Preto y Pavia, e biaha aki a toca turno na e area di Sero Biento pa Wayaca. Ministerio di Infrastructura ta gradici e bisiñanan/ habitantenan pa nan comprension durante dianan di trabou.
Departamento DOW conhuntamente cu Ministerio encarga cu Infrastructura a sinta hunto pa trata e necesidad pa careteranan cu hopi aña ta di santo wordo, pa nan por wordo asfalta, pa cual ta informa comunidad cu e trabounan ta den ‘full swing’. Ya a asfalta na Piedra Plat y actualmente ta trahando riba e conexion cu mester bin di Sero Biento pa Wayaca. A base di un inventarisacion cu a wordo haci pa determina riesgonan cu por presenta door di e trabounan y tambe e cantidad di uzo cu e caretera tin actualmente ta ehecutando e trabounan cu lo wordo haci tambe na Bubali y Papaya entre otro! Tin basta trabou pendiente y ta spera cu por finalisa esakinan pa fin di luna.