Gabinete Hulandes ta sostene comerciantenan den sector turismo na Saba y Sint Eustatius

0

Reino: Komo konsekuensia di e orkan desastroso Irma e turismo riba e islanan Hulandes Saba i Sint Eustatius a haña un sla duru desde sèptèmber aña pasá. Pa sostené e sektor den e parti di Hulanda aki, e Ministerio di Asuntunan Ekonómiko i Klima (EZK) den palabrashon ku e Ministerio di Asuntunan Interior i di Relashonnan den Reino na nòmber di e gabinete, ta pone pa un solo biaha un suma di 2,48 mion disponibel komo kompensashon pa e pèrdida riba entrada ku nan a hiba. Komersiantenan riba e islanan aki por hasi petishon entrante 30 di yanüari te ku 25 di aprel pa esaki na Rijksdienst voor Ondernemend Nederland (RVO.nl).

Sekretario di stado Knops (BZK): “Ku mi mesun wowonan mi por a mira ki efekto desastroso e orkan Irma tabatin riba e islanan. Riba e islanan hulandes Sint Eustatius i Saba e sektor turístiko ta sòru pa un parti importante di e kuponan di trabou i entrada di hopi famianan. Ku e areglo aki e gabinete ke yuda e komersiantenan ku a keda alkansá den e sektor turístiko pa yuda nan pasa ofer di e temporada difísil aki di rekonstrukshon.”

Di kua kompanianan ta trata?
Kompanianan di kual nan volúmen di benta ta dependé kompletamente di e sektor di turismo ta bini na remarke pa un kompensashon. E kompanianan ta inskribí den e registro di negoshi di KVK ku un di e siguiente kódigonan komo aktividat prinsipal: 6700-6759, 7212, 7220, 7221, 7612, 7613 8311, 8511, 8518, 9678 i 9701. E kompensashon ta konta pa e periodo di sèptèmber 2017 te ku febrüari 2018 i ta 25 % di e volúmen di benta di e aña. Pa apuntá e petishon pa kompensashon e komersiante lo mester entregá sifranan di volúmen di aña, di aña 2014, 2015 i 2016.

Saba i Sint Eustatius
Hulanda Karibense ta e nòmber pa e islanan Hulandes Boneiru, Sint Eustatius i Saba den e awanan di Karibe. For 10 di òktober 2010 nan ta parti di Hulanda komo tres entidat apart. Sint Eustatius i Saba komo isla ta hopi kerí serka sambuyadónan.

Comments

comments