Futuro di accionnan Mericano ta cay hunto cu e dollar

0

TOKYO, Hapon – E futuro di e accionnan Mericano a cay diaranson hunto cu e dollar pa e temor di un mayor agitacion politico na Merca despues cu reportenan di prensa a bisa cu e presidente Donald Trump, a pidi e director di FBI anterior, James Comey, pa pone un fin na un investigacion riba su exasesor di siguridad nacional.
E reportenan a plantea duda riba si por bay presenta cargonan di obstruccion na e husticia contra Trump, loke lo debilita e confianza den e capacidad di e Republicano pa impulsa un programa di estimulo cu e inversrnan lo a bay ta sperando desde su eleccion na November.
Nobuhiko Kuramochi, hefe estratega di Mizuho Securities, a bisa cu “e preocupacionnan riba e politica Europeo y Noord Koreano a disminui (…) Pero awo nos tin inkietudnan riba e administracion Trump. Teniendo na cuenta cu tin algun indice cu a repunta mas di un 10 porciento den loke ta e aña, ta posibel cu nos cuminsa cu un fase di consolidacion.”
E referencial MSCI di accionnan Asiatico pafo di Hapon, a cay un 0.3 porciento. Na Hapon, e indice Nikkei di e bolsa di Tokyo a baha un 0.5 porciento.
E agitacion na Cas Blanco a hiba na e operadornan di divisa na bandona dollar dilanti un amplio gama di moneda, vooral compara cu e yen, cu e inversornan ta busca ora tin problema na Europa y Merca.
E dollar a cay un 0.7 porciento na 112,37 yen. E indice dollar, cu ta sigui e desempeño di e moneda Mericano contra un canasta di seis divisa improtante, lo a cede na 97,93. E euro a alcansa un maximo den seis luna di 1,11117 dollar.
Otro activonan bisto como refugio sigur tambe lo fortalece. E franco Suiso a gana un 0.3 porciento na 0.9828 unidad pa dollar. Oro lo a suma un 0.6 porciento na 1.243,4 dollar pa ons.
E prijsnan di petroleo lo debilita despues cu e datonan lo a mustra diamars cu e inventarionan di petroleo y destila di Merca a crece siman pasa. E crudo Brent di Londonlo a resta 36 cen of un 0.7 porciento, na 51,28 pa bari.
Fuente: http://lta.reuters.com