PARAGUAY – Un tragedia a sacudi futbol Paraguayo. E hoben Bruno Isaias Cañete a perde su bida despues di a disputa un partido di futbol cu su ekipo, Sport Colombia.
E hoben di 16 aña a ricibi un bala den stoma caminda cu el a cay den otro y aunke e entrenadornan a logra reanim’e, e falta di atencion medico na e luga y ambulance den e stadion tabata determinante pa Bruno no tabata tin oportunidad di scapa morto.
E partido a tuma luga den e stadion Alfonso Colman, caminda cu Sport Colombia Cerro Cora tabata midi contra otro den e segunda division Paraguyao.
Segun testigonan, den informacion cu infobae.com a recoge, despues di e bala den stoma, e hungado a lanta di su mes ora el a wordo asisti, pero a cay den otro y ante e falta di sonal medico, tabata e entrenadornan tabata esnan cu a purba di yud’e.
Tras di a reanim’e, ambulance a yega na e luga mey ora despues y a hib’e un hospital caminda mas laat a confirma morto di e hoben.
“No ta importami si nan coremi di e club despues. Akinan nan ta come tur e placa, tin un sinberguenciaria total. Ta e pio club di e pais. Bruno a muri den mi braza pa motibo di e bala cu el a haya den su stoma,” Alex Quintana, tecnico di Sport Colombia a bisa furioso.
E ex arkero Paraguayo Jose Luis Chilavert, a uni na e critica aki.
Fuente: www.infobao.com