Fundado di compania farmaceutico acusa di conspiracion di remedinan opiode na Merca

0

PHOENIX, Merca- Ministerio Publico Mericano a presenta un caso di fraude y extorsion diahuebs contra di e fundado di un fabricante di remedinan opiode . E fabricante aki tabata bou di un investigacion di parti di autoridadnan di e pais pa denuncianan di antibioticanan potente mei mei di un epidemia di droga cu ta cobra miles di bida anualmente.
E cargonan contra di e fundado di Insys Therapeutics, John Kapoor a bin na claridad e mesun dia cu presidente Donald Trump a declara cu e crisis di opiode ta un emergencia sanitario na nivel nacional.
E casi aki ta sigui e acusasionnan contra di e ex director di e compania y otro ehecutivonan y gerentenan riba e acusacionnan di cu nan tabata soborna dokternan pa receta un opioide potente yama Subsys.
Den e acusacion aki, Kapoor di 74 aña, di Phoenix y otro sospechosonan ta wordo acusa di a soborna dokternan pa receta un gran cantidad di pa e pildo aki a base di fentanyl, cu ta solamente destina pa pashentnan di cancer cu dolornan insoportabel. mayoria di e personanan cu a ricibi e receta no tabata tin cancer.
Nan ta wordo sospecha tambe di a conspira pa gaña y estafa e proveedornan di seguro cu tabata resistente na aproba pago pa e droga ora cu e tabata wordo receta na pashentnan cu no tin cancer.
Kapoor a wordo aresta na Phoenix y lo tin di aparece den Corte proximamente.
Na Massachusetts, ex director di Insys, Michael L. Babich y cinco otro ex- ehecutivo y directornan, nan caso lo wordo trata den Corte na October 2018; nan a declara nan mes culpabel. E acusacionnan mas recien ta contra di Babich y otronan.
Varios di ex empleadonan di Insys y otro proveedornan di cuido di salud a declara nan mes culpabel rond Merca, incluyendo Alabama y Connecticut. Un dokter na Rhode Island a declara su mes culpabel diaranson di a acepta pago a cambio di receta di e medicamento aki, sumamente adictivo.
Un vocero pa e compania cu base na Arizona a bisa cu e compania tin maneho nobo y cu casi tur nan personal di benta a wordo reemplasa. El a bisa di ta tuma responsabilidad pa e accion di nan ex empleadonan.
Kapoor a wordo nomber director di e compania na November 2015, despues cu Babich a entrega su renuncia sin duna splicacion.

Fuente: http://www.fox10phoenix.com