Fundacion Zinnia bon representa na 4 Daagse Nijmegen 2018

0
RBC Juli 2018
ling and sons porciento
Funmiles-2018

Ya ta hopi aña caba cu varios Arubiano a y ta participa na e famoso caminata aki y e aña aki no ta un excepcion. Fundacion Zinnia, representa pa señora Ronneke Kats, ta cla pa ranca sali na e 4 dia di caminata aki, unda cu tin miles di participante tambe. E di 102 Vierdaagse ta cuminsa dia 17 di juli y ta termina dia 20 di juli 2018 y lo ta consisti di varios ruta den e bunita ciudad yena di mata grandi, Waalstad.

META
Señora Ronneke Kats a dicidi pa haci esaki, pa recauda fondo pa Fundacion Zinnia, mirando cu e fundacion su meta ta pa traha riba conscientisacion di uzo di alcohol y stuur bou di influencia y su consecuencianan. Esaki sigur ta un meta cu mester haya tur atencion y sosten debido, mirando cu e ta un problema grandi na Aruba y conscientisacion ta keda fundamental pa logra cambia mentalidad y actitud.

DONACION
Henter e team dinamico di Fundacion Zinnia ta aplaudi y gradici señora Ronneke Kats pa e bunita gesto aki, ya cu e mes a percura pa tur su gastonan envolvi. Hospital a contribui cu su bunita uniform di diferente color vibrante, pa bisti durante 4 dia di Fundacion Zinnia #amigodidi. E suma cu finalmente keda recauda, Ronneke Kats lo haci entrega na Fundacion Zinnia. Pues tur cu ta interesa por haci un donacion tambe pa demostra sosten tanto na Ronneke Kats como e fundacion. Pa con chikito cu esaki por ta, por hacie libremente riba e cuenta di banco di Fundacion Zinnia; RBC #7700000100138878. Fundacion Zinnia ta gradici señora Ronneke Kats pa tin e fundacion na curason y mente y ta desea Ronneke tur clase di exito durante e 4 dianan di caminata.

Comments

comments

C: Heineken
new india
dvg