Fundacion WeConnect goes green

0

Diabierna 12 di Januari e fundacion educativo ta organisa e encuentro ‘Sustainable Caribbean’, den cooperacion cu Wageningen University & Research (WUR). Iniciativa
berde y sostenibel riba e seis islanan Caribense ta para central y e pregunta con por conecta studiante y profesionalnan hoben Antiano i Arubiano na esaki. Ta un di e iniciativanan di e fundacion WeConnect pa cambia e braindrain pa braingain riba e
islanan y fortifica e mercado laboral cu talentonan di propio suela.

Proyecto di mikro-alga
E idea pa un encuentro tematico tocante di sostenibilidad a nace pa medio di e proyecto di mikro-alga di WUR cu ta tumando luga actualmente na Boneiro. Bou di guia di René Wijffels (profesor den tecnologia di proceso biologico) un team for di Boneiro y Wageningen ta traha hunto na investigacion pa uzo di alga como materia prima pa cuminda, cuminda di bestia, combustibel y substancianan kimico. René Wijffels:
“Turismo ta practicamente e unico fuente di entrada di Boneiro. cuminda y energia practicamente mester keda completamente importa. Nos ke haci investigacion innovativo cu hendenan di Boneiro pa riba e manera sostenibel desaroya actividadnan
economico nobo cu ta haci e isla menos dependiente di importacion. E profesor ta splica cu Entidad Publico Boneiro ta wak pa posibilidadnan pa diversifica e economia
y conocemento y desaroya un infrastructura pa crea un economia circular.
E situacion climatologico na Boneiro ta ideal pa por cultiva mikro-alga eficientemente.
Wijffels: “Nos ke laga mira cu yudansa di solo y awa di lama ta produci materianan prima sostenibel di calidad halto riba e isla.” Durante di e encuentro ta presenta
e proyecto AlgaePARC Bonaire.

Studiantenan i profesionalnan hoben
Gerente di WeConnect Tanja Fraai a keda gratamente sorprendi pa diversidad di studiante i profesionalnan hoben cu a registra nan mes pa e encuentro: “Nan ta
specialisa den entre otro kimica, tecnologia alimenticio,hidrologia, ecologia maritimo
y ciencia di bida. Y gustosamente ke dedica nan mes na un futuro sostenibel di nan islanan (di nacemento)”. For di Delft tambe ta bini un grupo di studiantenan Caribense di e asociacion estudiantil tecnico ABC Compas.

Organisacionnan
Meta ta pa inspira e studiantenan y trece nan den contacto cu organisacionnan cu ta dedica nan mes na sostenibilidad. Por ehempel TNO Caribbean, parkenan natural Stenapa (Sint Eustatius) y Stinapa (Boneiro) y companianan energetico riba e islanan.
Ministerio di Asuntonan Economico, Clima, Agricultura, Naturalesa i Siguridad
Alimenticio tambe ta presente na Wageningen pa presenta nan proyectonan riba e islanan na e studiantenan.

Futuro sostenibel
WeConnect ta un fundacion educativo pues e iniciativa aki ta pas den e serie di actividadnan, asina presidente di WeConnect Paul Comenencia a splica: “E encuentro di 12 di Januari ta yuda facilita e union di forsa den Reino: experticio mundialmente fama di Wageningen riba tereno di agricultura y conservacion di naturalesa, e talento di nos profesionalnan hoben y e situacionnan ideal di nos islanan pa ehecucion di proyectonan economico innovativo riba tereno di sostenibilidad. E resultado: retonan nobo pa e universidad y actividadnan economico sostenibel y cupo di trabou riba nos islanan ta un combinacion win-win caminda gustosamente WeConnect ta contribui na dje.”

E encuentro ‘Sustainable Caribbean’ ta gratis y ta tuma luga diabierna 12 januari
(atardi) riba Campus di Wageningen University & Research, edificio 115. Registracion obligatorio via: http://bit.ly/2yWixGb

Pa mas informacion www.weconnectworks.nl