Un poco mas cu 10 aña pasa Andin Bikker laborando como abogado a ripara cu tin un bashi riba base legal. Tampoco hopi ciudadano no ta bin na remarca pa un abogado liber y tampoco no tin e recurso humano pa paga un abogado.
Pa e motibo aki a dicidi di yuda pueblo, principalmente na esnan cu mas tin mester cu ta keda pega cu nan problemanan legal. Desde cu mi persona a cuminsa cu e yudansa aki completamente gratis pa e pueblo di Aruba por a ripara kico ta reina den comunidad tambe.
Un di e preocupacionnan cu varios ciudadano tin,ta e situacionnan cu nan ta confronta na belasting, SVB y organonan gubernamental. Asina Fundacion Pro Justitia a lanta y ta e unico fundacion di ley cu ta duna servicio gratis y cu tur siman ta atende un cantidad grandi di hende riba nan situacionnan legal y tambe duna consehonan legal cu nan mester atende cu nan situacionnan personal.
Orguyosamente Awe Fundacion Pro Justitia ta celebra 10 aña yudando y guia hopi hende den nos comunidad. Andin Bikker ta gradici tur persona cu a duna confiansa y a bin ricibi conseho for di dje y alabes tambe ta gradicido na nos creador cu e por ta e persona cu ta yuda hopi ciudadano abase di nan preocupacionnan riba base legal.
Durante di 10 aña di existencia Fundacion Pro Justitia a yuda mas cu 10 mil ciudadano riba nan preocupacionnan. E ayudo lo sigui riba tur diahuebs for di 4 or di atardi te cu 6 or di atardi na centro di POR di Noord.