Aña pasa, diferente pier a haya daño durante mal tempo. Nos a puntra Clifford Rosa di Centro di Pesca Hadicurari, con prepara na ta e aña aki den caso di un mal tempo manera nos a conoce den 2016.
E ta splica cu den e ultimo añanan a bin ta trahando riba diferente pier. A bin ta reforsanan, pero cu e naturalesa, tin cu warda awa den dam pa asina ora cu algo pasa, por yuda. Pero si sa cu ora cu tempo malo yega, e por destrosa algun di e piernan. Hadicurari ta boca habri, cu ta warda lama malo yega. Segun Rosa, e aña aki atrobe mester bolbe avisa cu e temporada ta yegando y con ta bay ta atendiendo cu cualkier calamidad cu mester por pasa.
E pier di Hadicurari no a haya un trabao grandi. E pidanan cu a kibra a wordo drecha. Nan a wordo reforsa. Palo nobo a bin. En principio e pier ta completo. Semper tin e parti di coriente cu awa. Tur cos a wordo revisa. Actualmente pier ta den bon estado. Pero un biaha mas, tin cu spera cu nada lo bay pasa. Semper tin algo cu lo por pasa. Pero a haci inversion, riba e pier di Hadicurari sigur. Caminda cu tin un inversion grandi cu a wordo haci. Pa e fundacion, Centro di Pesca Hadicurari, tin e deber di sigui conserva e piernan, drecha nan, mehora nan. Pero tambe no ta un trabao pa nan so. Ta un trabao cu e piscadonan mes, unda cu sigur cu nan boluntad tambe, mirando cu tin biaha sa cu e tempo di horcan ta yegando, abo como doño di boto, mester por bay wak bo boto, drecha cabuyanan, haci e preparacionnan. E preparacion no ta solamente pa Hadicurari pa drecha e pier, pero pa e botonan cu ta kibra y lamentablemente, si bo no tin fondo, no por drechanan di biaha bek. Tin diferente cos cu tin cu tene cuenta cun’e.