Fundacion Dominicana Arubanse Juan Pablo Duarte cu dos curso

0
RBC Juli 2018
ling and sons porciento
Funmiles-2018

Na Aruba tin un interes grandi pa desaroyo profesional. Sinembargo e gastonan pa un curso asina hopi biaha ta halto. Pa es motibo dos fundacion a dicidi pa traha hunto pa ofrece un curso cu ta na bienestar di pueblo di Aruba. Diamars dia 17 di April Fundacion Dominicana Arubanse Juan Pablo Duarte ta organisa un anochi informativo. E anochi aki ta pa tur hende cu ta interesa pa inscribi pa un curso cu ta yuda tur participante progresa den bida y desaroya nan habilidadnan como profesional.

E curso cu lo wordo duna na e cede di Fundacion Dominicana Arubanse Juan Pablo Duarte, cu ta situa na Van Leeuwenhoekstraat 2 na Playa, lo ofrece 5 luna di entrenamento y guia pa cu comunicacion y liderazgo. Aunke e curso aki ta uno cu a wordo organisa specialmente pa e comunidad Dominicano na Aruba, e tin algun luga reserva pa otro personanan interesa tambe. E curso ta semanal, di 7-9 pm y e ta costa en total 300 florin pa 5 luna di training riba e nivel basico y tin oportunidad pa sigui riba un nivel avansa tambe.

Fundacion Dominicana Arubanse Juan Pablo Duarte hunto cu Fundacion educativo Stichting BEULAH, conosi pa e programa di television “TV-Teach; Wak Pa Bo Siña!” ta yama bon bini na tur profesional cu ta desea di desaroya nan mes y logra un certificado cu ta reconoci rond mundo. Pa mas informacion y inscripcion por yama of Whatsapp Winston Tavarez na 5921679 of pasa libremente na Van Leeuwenhoekstraat #2 na Playa riba diamars anochi dia 17 di april 7’or. Fundacion Dominicana Arubanse Juan Pablo Duarte ta spera di a informa pueblo di Aruba debidamente.

Comments

comments

C: Heineken
new india
dvg