E aña aki Fundacion Diabetico a haya un presidente nobo. Ta trata aki di Sharline Vis, kende ta splica mas di su metanan.
Sharline Vis ta dokter di cas tambe. Desde September e ta ocupa e posicion di presidente. E ta comenta cu e fundacion ta tene su mes activo pa duna concientisacion na e poblacion riba e malesa di diabetis, cu ta un malesa cu ta hopi prevalente bao di nos poblacion. Mas of menos 15% di nos poblacion ta diabetico. AZV tin ongeveer 8000 hende registra como diabetico. Pero tin hopi mas hende diabetico cu no ta diagnotisa ainda cu ta cana rond cu sucu halto y nan riesgo pa complicacion. Mester bira un tiki activo no solamente como dokter di cas y praktijkondersteuners, pero e hendenan mes den nos poblacion, mester ta activo pa haci bo testnan, pero tambe activo den un bon estilo di bida pasobra esey ta esencial pa preveni diabetis, pero tambe si bo tin e malesa diabetis caba , tambe ta importante pa controla e metabolismo di sucu door di ta activo, den un bon estilo di bida, movecion, come bon, come saludabel y loke bo tin mester y no mas cu esey y tambe tuma remedinan fielmente. Como dokter di cas, dokter Vis a splica cu ta mira hopi problema den e controlamento di sucu door cu hendenan no ta tuma nan remedinan bon, door cu hendenan ta come dimas y Vis ta kere cu un hende informa, un hende cu sa di kico ta wordo papia, por tuma bon decision. Ta ken no kier biba saludabel y ta ken no kier preveni complicacion cu por hiba e calidad di bida atras, segun dokter Vis.