Ultimo añanan mas y mas hoben y hopi mas hende muhe ta sufri stroke na Aruba y e chens pa e personanan aki reintegra den bida diario ta dificil.
Como cu 2017 ta aña di eleccion, nos ta spera cu nos Gobernantenan por pone mas atencion pa e epidemia di stroke cu ta azota nos isla.
Banda di e atencion pe enfermedad riba su mes, nos ta spera cu por traha riba e otro reto nan cu ta relata na esaki;
•duna mucho mas atencion na campaña pa preveni stroke y pa concientisa riba e factor nan di riesgo
•ekipa Ambulance, Hospital y su personal mihor pa detecta stroke y trata esaki na tempo (den e tres oranan cu tin pa trate)
•institui un centro di rehabilitacion pa sobrevivientenan di stroke unda despues di a sufri un stroke por haya tratamento dedica pa stroke y terapia pa yuda cu mobilidad
•bin cu programa pa reintegracion di sobreviviente di stroke den bida laboral
•exigi tur compania, negoshi y otro edificionan publico pa ta accesibel pa esnan den rolstoel
Fundacion CVA kier a yama danki na tur esnan cu di un forma of otro a coopera cu nos den 2016 y ta desea henter pueblo di Aruba un feliz y saludabel 2017.