Dia Internacional di Autismo cu ta dia 2 di April, fundacion lo ta bay activo cu e caminata y Rotary tambe lo bay tin su Fiesta Rotaria e dia aki y e aña aki nan lo brinda awareness pa autismo. Rotary tabata esencial den formacion di Fundacion Autismo. Sra. Dilma Arends- Geerman, miembro di bestuur ta splika.
Fundacion Autismo, hunto cu Ministerio di Educacion di 4 dia y dos workshop anochi, cu dos experto ariba autismo. Nan ta Michelle Traffenger y Amber Carty cu lo ta na Aruba pa cuater dia di seminario intensivo. Lo bay trata autismo den klas. E prome dos dianan lo ta pa tur docente di scolnan special y tambe docentenan di IPA y SPO, EPB y tambe Multidisciplinaire Centrum. Y e otro dianan ta bay pa cuater representante di scolnan basico y kleuter nan Aruba. E motibo cu a apunta cuater so ta pa motibo cu no tin mas luga. Si a invita tur docente, lo mester a invita 800 persona y no tin e capacidad pa esey awo. Minister di Educacion, Michelle Hooiyboer- Winklaar ta para tras di e seminario aki y ta cubri un parti di e gastonan.
Danki na sponsornan cu por a yuda tene e gastonan mas abao posible y tambe mantene e entrada gratis. Cartanan di invitacion a bay caba pa tur directiva di scolnan y inscripcion ta bay via Ministerio di Enseñansa. Pa e scolnan special, e ta mas facil ya cu e ta obligatorio pa tur. Pa e otro scolnan ya caba e ta cla, e docentenan a inscribi caba.
Ta un lastima, segun Sra. Arends -Geerman, cu no ta tur docente por ta presente na e workshop aki. Pero scolnan mester sigui draai, ya cu e seminario lo ta durante dianan cu tin scol y ta scolnan ta dicidi e ora.