Un sospechoso riba lista di e dieznan mas busca riba lista di FBI den caso di un dobel asesinato a wordo gara Diadomingo despues di tabata fugitivo pa mas di 6 luna.
Terry A.D. Strickland a wordo aresta sin ningun incidente durante un control di trafico, autoridadnan policial di El Paso, Texas a informa.
Strickland tabata wordo busca en conexion cu un orden di aresto di Milwaukeee. E ta wordo acusa di dos cargo di asesinato intencional den prome grado. Investigadonan a bisa cu Strickland a tira dos homber mata durante un pelea dia 17 di Juli. Agente Special a cargo di e caso na El Paso, Doug Lindquist a informa cu agentenan a captura Strickland na Texas despues di a ricibi un tip.