Tin hopi problema social den e mundo laboral pa cual presidente di FTA, Sr. Hubert Dirks ta splica con a bay cu e reunion entre FTA y gobierno, kico por bay haci pa haya solucionnan.
E prome reunion di FTA tabata cu Sr. Glenbert Croes, minister di Labor y Asuntonan Social. E reunion aki tabata uno hopi bon, FTA a trece hopi puntonan dilanti, puntonan cu a bin dilanti caba den pasado. En corto, e puntonan social a resalta, nan ta hopi mas grandi cu e puntonan laboral mes. Sigur, pa loke ta e trahado na Aruba, su poder di compra no ta esun mas miho. E productividad laboral, no ta esun cu mester, e relacion entre dunando di trabao y trahado y cu sindicato no ta manera cu mester ta. Minister di su banda ta comparti cu FTA, cu e relacion tripartite mester mehora na Aruba, p’esey mes ta kere den dialogo, pero un dialogo manera ILO ta prescribi. E mester ta ariba un nivel cu sindicato ta spera tambe.
Tin hopi asunto cu mester atende, cu ta concerni e minister ey, di Labor y Asuntonan Social. E situacion social ta hopi alarmante na Aruba. Tin hopi famia ta biba den situacion dificil y no solamente, e famia, den e sentido di e hoben, di e mucha. Esunnan sin dak, cu adiccion, of sin adiccion, cu problemanan, cu un cantidad di trastorno den un famia. E situacion financiero, mal maneho financiero, adiccion di tur manera. Tin retonan grandi, tin hopi punto cu mester wordo atendi. No por neglisha , mester sigui papia. Mester trece e puntonan cada biaha dilanti pa asina laga e problema haci daño na nos, pa despues bay atende cu esaki. Pero mester permiti cu e dialogo ta keda constante y FTA ta kere cu e relacion entre dunado y sindicato mester bira miho.
Ta di lamentea cu e dunado di trabao no ta simpatisa cu sindicato. Algun si pero den mayoria caso, no. Tin hopi trahado no ta consciente di nan derechonan, cu ta den un sindicato no ta nifica nada malo. E ta simplemente un acuerdo, y enbes cu 30 trahado bo ta deal cu e sindicato. Pa asuntonan di condicionnan laboral, p.e. e poder di compra mester studia e posibilidad pa bin cu salario pa sector. E representacion di e sindicato pa e trahado den e diferente organonan. Bo tin ATA, cu ta turismo. Sindicato FTA ta esun mas grandi den e sector hotelero. Pero no tin participacion den ATA of AHATA. Di parti di dunado di trabao nan ta papia di flexibilisacion laboral. Un ta bisa un cos, otro ta bisa, otro. No tin dialogo. Pero ora cu bin discusion, riba poder di compra, riba reforma fiscal, prome punto cu ta bin dilanti, ta e flexibilisacion laboral di parti di e dunado di trabao. E por wel di ta un trabao permanente, cu mester di hende tur dia, pa e trabao ey, pa un tempo largo, pero ta tuma un hende pa tempo cortico y ora cu e dunado di trabao no kier e trahado aki mas, ta mande cas y ta tuma otro na su luga. Asina Sr. Rudy Dirksz, di sindicato FTA a finalisa bisando.