Directiva di Federacion di Trahadornan di Aruba – F.T.A. tin e tristo deber di anuncia fayecimento di Cro. Ruben Trapenberg, mihor conoci como Ruben “Traxx”
Na bida a yega di forma parti di Directiva di FTA y tabata un ehemplar militante di FTA y tambe a yega di fungi varios biaha como Maestro di Ceremonia na FTA su Eventonan of Actonan Oficial.
A fungi entre otro como delegado di FTA representantando e trahadornan di Tele Aruba y tabata miembro di Directiva di FTA como Secretario di Sector di Informacion, Publicacion, Documentacion y Corespondencia pa e periodo di 2000 – 2003. Tambe a participa na Eventonan Sindical Internacional.
Directiva, Personal, Delegadonan y Miembronan di FTA ta extende nos mas profundo Condolencia na su casa, yiunan y demas famia y tur su coleganan di Tele Aruba y den Periodismo.
Sigur cu Ruben lo laga un bashi grandi atras pa e comunidad di Aruba mirando su dedicacion y profesionalismo den e mundo Televisivo y den e mundo musical como un cantante di soca y un persona carismatico cu respet pa tur hende.
E Acto di Condolencia di “Ruben Traxx” lo tuma lugar diasabra 7 di Juli 2018 for di 5:00 PM pa 9:00 PM na funeraria AURORA y despues e lo wordo crema den seno Familiar.
Cu “Ruben” sosega na paz.