Cruz Cora Aruba un biaha mas por conta cu e tremendo gesto di Fundacion Social di Trahadornan di Telecomunicacion (FSTT) cu ta organisando pa di dos aña un Fundraising Bingo pa recauda fondo pa Cruz Cora por sigui yuda e comunidad di Aruba.
Riba e anochi aki, tin varios actividad. Banda di e bingo, lo tin un cushina bon surti pa “Pasa Boca Cruz Cora” conoci pa su aroz con pollo, sopi, pan cu frekedel, carni stoba, galiña di Pasco den pan, seafood y spam tempera, pan cu seafood, Cala, croket y hopi mas. Bar tambe lo ta bon surti cu productonan Premium. Rincon Boyz lo tey pa anima e anochi y lo tin premio y doorprizes hopi atractivo.
E bingo aki lo tuma luga, diasabra, 29 di October cuminsando 8’or di anochi. Registracion lo ta habri ya for di 4’or caba den Parkinglot di Setar Sero Blanco.
Tur voluntario di Cruz Cora tin tickets di bingo pa AWG. 10,=. Tambe tickets ta obtenibel na oficina di Cruz Cora na Pedro Gallegostraat 14, Dakota of anochi di bingo.