LONDON, Inglatera – Un ekipo di investigado Britanico a realisa un estudio caminda cu nan ta señala cu algun fruta y vegetal por reduci e riesgo di desaroya cancer y cardiopatia. Ademas ta apunta cu come 10 porcion di fruta y berdura pa dia, por alarga nos bida.
Cientificonan di Imperial College di London a yega na e conclusionnan aki tras di analisa e datonan di 95 estudio diferente, cu combina, ta inclui e habitonan alimentario di dos miyon di persona.
Y ta calcula cu cada aña por evita 7.8 miyon di morto prematuro den hener mundo si hende come diariamente e 10 porcionnan di fruta y berdura cu ta recomenda. Aunke tur ta bon, algun ta aporta mas beneficio cu otro. Pa reduci riesgo di cancer, investigadonan ta sugeri un menu cu ta inclui:
Berduranan di blachi berde, manera spinazie.
Berduranan geel y apelsina, manera promenton y wortel.
Berduranan crucifero, manera brocoli, bloemkool, kool, etc.
Pa reduci e riesgo di cardiopatia y derame celebral, investigadonan ta recomenda come:
Appel y peer
Frutana citrico
Salada
Berduranan di blachi berde manera spinazie, lechuga of artichoke.
Berduranan crucifero manera esunnan ya menciona.
Den e estudio investigadonan tambe a calcula riesgo di muri prematuramente debi na dieet. Compara cu no come ningun berdura ni berdura diariamente ta conclui cu:
200gr (mas of menos 2.5 porcion) ta recorda e riesgo di desaroya enfermedadnan cardiovascular den un 13%.
800gr (10 porcion ta recorta e riesgo den un 28%.
200gr ta recorta e riesgo di desaroya cancer den un 4%.
800gr ta recorda e riesgo aki den un 13%.
200gr ta recorda e riesgo di morto prematuro den un 15%.
800gr lo reduci den un 31%.
Ta wordo calcula cu un porcion di fruta of berdura pa adultonan ta di 80 gram, e ekivalente den un aproximacion na un bacoba chikito, un peer of tres cuchara repleto di spinazie of bonchi erwt. “Tin evidencia cu fruta y berdura ta reduci e nivelnan di colesterol, di presion di sanger y potencia salud di nos arterianan y nos sistema imunologico,” Dagfinn Aune, un di e investigadornan di e estudio, a bisa, cu a caba di wordo publica den e revista internacional Journal of Epidemiology.
“Esaki por ta debin a e red compleho di nutrientenan cu nan tin. Por ehempel, an ta contene hopi antioxidante cu por reduci e dañonan den ADN y asina hiba un reduccion den riesgo di cancer,” el a splica. Segun e estudio, incluyendo ingeri cantidadnan chikito di fruta y berdura tin un impacto positivo pa nos salud. Loke investigadonan no por dilucida ta si come mas di 10 porcion pa dia por tin un efecto ainda mayor pa nos salud.
Pero hopi hende ta dificil pa come cinco porcion pa dia (400 gram) di fruta y berdura cu ta recomenda e Organisacion Mundial di salud (OMS). Den Reino Uni ta calcula cu dos di cada tres adulto apenas logra yega tres of cuater porcion diario. Pa esnan cu tin dificultad yega den 5 dia, Sarah Toule, di e fundacion pa e investigacion di cancer, World Cancer research fund, ta recomenda cuminsa añadiendo diariamente cu un porcion extra di fruta of berdura na ora di lunch. Otro strategia ta sugeri, cu substitui un di e snacksnan no saludabel pa un fruta.
Fuente: El Universal