LONDON, Inglatera – E candela den e compleho di apartamento na London, caminda te cu awor aki 79 persona a perde nan bida, a wordo ocasiona pa un frigidaire defecto. E cubierta di e edificio no tabata cumpli cu e exigencianan di siguridad, caminda cu e candela por a expande. Esaki ta segun polis na London a comunica diabierna mainta.
Lo ta trata di un frigidaire di e tipo Hotpoint FF175BP. Segun hefe di polis Fiona McCormack, isolacion y tegelnan di e edificio no tabata cumpli cu e exigencianan di siguridad di candela. Polis a tira un bista si ta trata aki di un “dood door schuld”, esta morto debi na negligencia y a accentua cu e candela no a wordo cendi intencionalmente.
E daño di e candela tabata enorme.
E candela a tuma luga dia 14 di Juni den Grenfell Tower, un flat cu recientemente a wordo renoba, di 24 piso, pero no a descarta cu mas victima lo a cay. Tin asina hopi incertidumbre di cuanto hende durante di e candela a keda atras den e toren.
E prome minister Britanico Theresa May a indica mas tempran un investigacion masivo ta tumando luga riba e candela aki. E ta alega cu e atencion di e victimanan tabata inadecua. May a disculpa su mes diaranson ultimo pa esey y a priminti cu personalmente e lo percura pa soluciona tur e problemanan.
Fuente: www.nu.nl