Fresh Market como gradicimento pa e apoyo di pueblo ricibi durante nan prome aña di existencia, ta organisa un campaña pa su clientenan. Nos ta haci e anuncio oficial awe y ta invita pueblo di Aruba en general pa haci compras na Fresh Market,Paradera, y participa den e fabuloso campaña aki.
Fresh Market, ta un di e poco supermercadonan cu ta den man di yiunan di tera, pa cual ta brinda apoyo tambe na nos hendenan local. Asina por ehempel hopi di e productonan, fruta y berdura, ta fresco ya cu nan ta wordo cumpra dor di agricultura y criadonan local. “Nos ta orguyoso di por bisa cu nos ta un compania local y brindando apoyo na nos hendenan local. Aruba tin hendenan serio dedica na cultivo di fruta y berdura, y otronan na cria. Ta productonan cu nos ta sigur ta di bon calidad pa cual nos ta cumpra nan y ofrece nan na nos clientenan,” Tamara Dubero, gerente di Fresh Market a bisa.
E supermercado ta consciente di e necesidad di su clientenan pa cual semper ta trata di ofrece e productonan den demanda y naturalmente na un bon prijs. “Nos por bisa cu nos prijsnan sigur ta hopi competitivo y ta miho cu mayoria di supermercado na Aruba. Y esaki pasobra nos ta compronde cu awendia no solamente servicio y calidad ta importante, pero tambe prijsnan competitivo.” Tambe nan tin nan pannan fresco, seccion di carniceria y salada. Tur dia nan tin special di dia. Y pronto nan tin nan “Pizza Corner”. Fresh Market ta hopi accesibel cu nan ta habri te 8’or di anochi y riba diadomingo te 2’or di merdia.
Semper Fresh Market ta traha pa trece cada biaha productonan nobo riba reki y den cuadro di celebracion prome aña di existencia a haci algun cambio agradabel pa e consumidornan. Banda di esaki, como gradicimento, a hinca den otro un campaña di prome aniversario. Esaki ta encera cu pa cada compra di 25 florin, e cliente ta ricibi un ticket pa tira den tombola. Mas ticket bo tin, mas chens pa participa den e campaña cu tin diferente premio. E prome premipo ta un smart tv y e di dos premio ta 20.000 Fun Miles Point, cu ta partner di Fresh Market. Tambe lo bay tin diferente certificado pa haci compras na Fresh Market. E campania a cuminsa 19 di maart y ta finalisa dia 17 di juni, fecha cu Fresh Market ta celebra su prome aniversario.
Presente na e conferencia di prensa tabata Betina Daal, representante di Fun Miles, cu ta e compania cu por acumula y cambia punto. E unico supermarket cu ta socio di Fun Miles ta Fresh Market. “Nos ta orguyoso pasobra Fresh Market ta e unico supermercado grandi y luhoso den Paradera,” Daal a bisa.
Fresh Market kier invita pueblo di Aruba pa bishita nos na Paradera y mira cu nos ta ofrece tur sorto di producto, na bon prijs y unda ta agradabel pa haci compras tambe. Danki na tur esunnan cu a apoyo inversionistanan local den e prome aña di existencia.