MEXICO CITY, Mexico- E falta di control di parti di Banco di Ahorro Nacional y Servicionan Financiero (Bansefi) a faborece e clonacion di tarhetanan di yudansa pa damnificadonan di e teremoto. E delito aki, cual su magnitud ainda ta desconoci, a wordo denuncia door di e ONG Mexicanos Contra la Corrupción y la Impunidad (MCCI).
“Te cu awo, a confirma solamente e clonacion di 249 tarheta; e cantidad por ta mas hopi. E comision Nacional Bancario y de Valores (CNBV) a señala cu ta carece di mecanismonan pa detecta y blokia transaccionnan fraudulento”, segun e organisacion a informa den un comunicado.
Despues di e teremoto di dia 7 di September cu a afecta mas tanto e estadonan di Chiapas y Oaxaca, gobierno federal a anuncia cu e lo apoya e reconstruccion di e casnan di e damnficadonan cu recursonan di Fondo di Desastrenan Natural (Fonden), cual Banfesi lo entrega por medio di tarhetanan di debito.
Pero te ainda tin hendenan ta wardando ariba e yudansa aki, 4 luna despues di e temblor.
Fuente: https://www.infobae.com