Lo ta bon pa tur hende sinta na mesa hunto pa asina logra un bon proyecto pa Aruba segun Franz Sydow, kende ta representante di e grupo desaroyador pa Isla di Oro. Semper e grupo di inversionista cu Sydow ta representa tin hopi tempo riba e isla y sa cu e ta bay riba un paso y tin crecemento y nan kier ta responsabel. Si e berdad ta cu e speransa di e grupo ta pa e ambientalistanan y demas personanan pa uni na e ekipo di trabao. E grupo ta dispuesto pa traha cu nan.
Durante e presentacion Sydow a splica cu e resultadonan ambiental ta posibel convivi turismo y e ecosistema y si haci’e na un manera responsabel, no solamente lo bay tin un proyecto unico na Aruba, pero tambe den Caribe.
E gran ehempel di turismo cu tin mayoria den e region aki, ta Costa Rica. Costa Rica ta un pais cu ta casi 100% sustentabel y e ecoturismo ta un turismo cu ta gasta placa, cu ta dispuesto pa convivi cu naturalesa. E ta trankilo. E ta un turismo realmente beneficioso pa e isla.
Tin hopi observacion, segun Sydow. Isla di Oro ta hopi grandi. E ta un mondi di mangorve cu ta hopi extenso. E area cu antiguamente tabata centra pa e restaurant, ta e unico area cu tin cu desaroya. No ta haciendo mas nada. E resultadonan ta hopi positivo y tin observacionnan hopi valido cu porcierto tin e recomendacionnan cu e NGO a duna ora di a cuminsa cu e proyecto.
Sydow a menciona cu perserva naturalesa ta loke nan kier. No ta existi ningun rason cu e grupo ta den bandanan opuesto. Esey tabata e invitacion cu a wordo haci na e gruponan di NGO pa nan uni na e ekipo di experto pa e proyecto aki ta un realidad y pa tin un proyecto unico den Caribe cu tambe cu e hendenan di Pos Chikito y Savaneta, merece un proyecto asina di calidad. A recolecta mas di 500 firma den e area di Pos Chikito kendenan ta hopi emociona cu e proyecto aki pasa. Semper a papia di proyectonan pariba di brug y tin mester pa esaki ta un realidad, segun Franz Sydow.