PARIS, Francia – Francia a ordo reforsa control na su fronteranan cu Alemania, Suisa y Luxemburgo tespues die atentadonan di dialuna ultimo na Berlin, un decision cu a wordo manteni despues cu a haya sa awe cu e presunto terorista ta riba fuga. Segun diversio medionan a publica, e minister di interior, Bruno le Roux, a ordena reforsa e controlnan na e frontera cu Alemania tras e atentado cu a costa bida di 12 perosna na Beril, Efe a informa.
E decision a extende na puestonan fronteriso cu Suisa y cu Luxemburgo, despues cu a haya sa cu autoridadnan Aleman ta en busca na e presunto autor di e hechonan, kende por a scapa despues di a comete esakinan.
E sospechoso cu nan a detene e mesun anochi di e hechonan, un refugiado Pakistani, a wordo poni den libertas ora cu no a existi prueba di su implicacion.
Francia tambe a incrementa siguridad den algun stacion di trein di e capital como esunnan di e parti Oost di Francia.
Tambe a aumenta dispositivonan di siguridad den algun mercado navideño di e pais, similar na e escenario di e atentado di Berlin.
Di un otro banda, presidente, Francois Hollande, a firma awe den e buki di condolencia habri pa e Embahada Aleman na Paris.
Tras Conseho di e ministernan, Hollande a acumi na e legacion diplomatico compaña pa e prome minister, Bernard Cazeneuve y di e minister di Exterior, Jean-Marc Ayrault.
E presidente a sigura na salida di e palacio Elysee cu Francia y Alemania ta mantene un “cooperacion excelente” den materia di e lucha antiterorista y a destaca e ‘vinculonan di amistad” cu ta uni ambos pais.
“Tempo cu Paris a wordo ataca, Alemania tabata na nos banda y awor nos ta na banda di e Berlinesnan,” el a sigura.
Fuente: El Universal