PARIS, Francia- Desde 2018, alumnonan di scolnan basico y secundario ta prohibi di bin scol cu nan telefon celular.
Jean Michel Blanquer, Minister Frances di Enseñansa, a anuncia e medida aki diadomingo anochi. Celular ya caba tabata prohibi durante scolnan basico y secundario. Pronto esaki lo conta tambe pa durante di pause y oranan liber entre lesnna. Te ainda no ta mucho cla con e prohibicion lo bay ta. E minister a bisa cu tin diferente manera pa ehecuta e medida aki. Ademas di esaki, tin algun excepcion: segun Blanquet un celular ta necesario pa enseñansa y den casonan di emergencia.
E medida ta bin door cu muchanan no ta hunga mas durante di pause. “Nan ta keda wak nan telefon so”, segun e minister. “Esey ta e problema, mira di e punta di bista di enseñansa.”. Pero esaki ta bay ta un manera tambe pa evita cyberbullying.
Pero tin algun cu toch ta sceptico, incluso algun sindicato di maestro. Nan ta puntra nan mes con e prohibicion lo wordo ehecuta, si nan lo mester bay ristra cada tas. Tambe e ta un cuestion, segun sindicatonan, di respeta si mayornan kier duna nan yiu un telefon celular.
Fuente: https://www.msn.com/nl