Fraccion di POR a sostene e presupuesto di Pais Aruba 2018. Parlamentarionan di POR a bisa claramente cu e presupuesto aki ta uno cu ta tene cuenta e necesidadnan di nos pueblo y na mes momento ta tene cuenta cu e situacion financiero. Un prespuesto cu ta refleha loke tin den e programa di gobernacion di e tres partidonan den coalicion. “Nos ta hopi satisfecho cu loke a presenta, e mocionnan cu a wordo aproba y e forma cu esakinan a wordo presenta. Ademas nos ta apoya e Sociaal Crisisplan pa cual a pone 17 miyon adicional pa yuda nos hendenan. Nos lo keda vigila cu e prespuesto wordo cumpli tambe”, lider di Fraccion di POR, Marisol Lopez-Tromp a declara.
Alan Howell y Marisol Lopez-Tromp a bisa tambe cu nan ta contento cu despues di 4 dia intensivo, presupuesto di nos isla a wordo aproba cu 12 voto na fabor. “Pabien Aruba!”