Fraccion di AVP no tin mucho di bisa di retiro di Lainda Westerhoff

Durante conferencia di prensa Lider di fraccion di AVP Parlamentario rene Herde a comenta riba e retiro di colega Parlamentario Lainda Westerhof. Na e momentonan aki e proceso di retiro ta andando y despues lo cuminsa cu e proceso di reemplazo.Segun Parlamentario Herde, mucho nan fraccion no tin di bisa riba e retiro ya cu Parlamentario Westerhoff tabata basta cla den su carta di retiro den cual el a bisa di ta retira pa motibonan di salud. E fraccion no tin nada di añadi y ta respeta e decision di nan colega. Nan ta lamenta cu nan colega ta retira di Parlamento y asina ta termina su carera politico repentinamente pero tambe prematuramente. E fraccion ta desea Lainda Westerhof pronto recuperacion.

Segun Parlamentario Rene Herde, e funcion di Parlamentario ta un funcion importante cu poco hende ta logra di eherce. E ta un honor y responsabilidad grandi y independiente di color politico, tur hende cu yega den e funcion aki merece respet.