SANTA ANA, Merca — Diesun dia despues di cu Frank Kerrigan supuestamente a dera su yiu homber, ta ricibi un yamada di un amigo. “Bo yiu ta bibo”, Kerrigan a bisa. “El a bisami, Con bay, papa?”.
Funcionarionan di e oficina forensico di e condado Orange a identifica erroneamente e curpa, segun e corant The Orange County Register.
E fout a cuminsa dia 6 di Mei, ora cu a haya e restonan mortal di un homber, tras di un tiende Verizon na Fountain Valley.
Kerrigan, di 82 aña y residente di Wildomar, a bisa cu el a yama e oficia di e forensae y nan a bis’e cu e restonan mortal tabata di su yiu, Frank M. Kerrigan, di 57 aña cu ta sufri di un enfermedad mental y cu tabata bibando ariba caya.
Ora cu Kerrigan a puntra si mester identifica e curpa, un miho a bis’e, incorectamente, cu a haci esaki via di vingerprint.
Carole Meikle, di 56 aña y residente di Silverado, ruman muhe di Frank a bay na e luga unda cu supuestamente Frank a muri y e pone un potret di dje, un bela, flor y un rosario. “Tabata un situacion hopi dificil pa mi ta para eynan, na un lugar bastante inkietante. Tabata tin sanger y klechinan sushi”, el a comenta.
Dia 12 di Mei, e famia a realisa un entiero cu a costa 20 mil dollar cu a atrae mas o menos 50 persona for di luganan leu manera Las Vegas y Washington.
E dia 23 di Mei nan ta ricibi e yamada di Shinker, bisando cu e yiu di Kerrigan tabata den e patio.
Ainda no ta cla con e funcionarionan di e oficina forense por a kiboca nan mes.
Fuente: www.es-us.noticias.yahoo.com