BRASILIA, Brazil- Presidente di Brazil, Michel Temer, a autorisa e uzo di forsa di siguridad pa despeha e careteranan blokia pa un welga di chauffeurnan di truck, ya pa cinco dia caba.
“Mi a duna ordo na e forsanan federal di siguridad pa deblokia e careteranan”, Temer a sigura un dia despues di a yega na un acuerdo cu e chauffeurnan di truck, según e agencia di noticia, AFP.
E mandatario a agrega den un comunicado breve for di e paleis di Planalto na Brazil cu “hopi chauffeurnan ta haciendo di nan parti. Pero desafortundamente un minoria radical a blokia e caretera cu ta stroba e otronan cu si tin deseo di atende e poblacion”.
Anteriormente, e alcalde di Sao Paolo, Bruno Covas, a decreta estado di emergencia den e capital economico y financiero di e pais debi na e welga di e chauffeurnan di truck.
“E medida ta permiti pa e alcaldia realisa compranan sin subasta, of di embarga activonan priva, manera por ehempel e combustibel cu ta warda na un station di gasoline”, según un comunicado oficial.
Di otro banda, e aeropuerto di Brasilia a hay’e obliga di cancela na vuelonan diabierna despues di cu e reservanan di combustibel a caba door di e welga di e chauffeurnan di truck.