FRANJA DI GAZA- Diaranson e Forsa Aereo Israeli a ataca un waf y obhetivonan di e movimento Hamas den e Franja di Gaza.
“Algun rato pasa, un avion di Forsa Aereo Israeli a ataca e infrastructura subteraneo di Hamas den e norte di Gaza”, segun e Forsa di Defensa di Israel a bisa riba su cuenta di Twitter. El a agrega cu esaki a impacto dos obhetivo militar adicional cu ta pertenece na e forsa naval di e movimento.
E ehercito Israeli a ataca cu misilnan tambe instalacionnan militar di Hamas, den e parti noord di e Franja di Gaza.
Según e Forsa di Defensa Israeli, e atakenan a wordo realisa como respuesta na e echonan cu a tuma luga diamars mainta, ora cu varios individuo a infiltra den teritorio di Israel y e cende un post militar na candela.
“Adicionalmente, e atakenan tabata como respuesta na intento di manda drone cu e intencion di comete actonan terorista y di kima Israel”, e mensahe ta bisa.
Fuente: https://actualidad.rt.com