Sra. mr. Evelyne Wever- Croes, den su funcion como Formado a bisa cu si tin un preocupacion di parti di gremionan sindical. Pero prome cu bay reuni cu nan, e lo mester reuni cu institutonan financiero pa wak en berdad con e situacion ta. Ta haci apelacion na e minister di Finanza pa duna su cooperacion, pa duna mas informacion cu ta posibel. Realidad ta cu gobierno no ta cooperando cu pa departamentonan duna e informacionnan y esaki a wordo comparti cu nan di parti di Informado, mr. Arie Swaen.
Den fase di formacion, Formado por pidi pa cooperacion, pero no por forsa niun hende pa duna nan cooperacion. Prome cu reuni cu sindicatonan, lo mester tin un miho bista di con e situacion financiero di pais Aruba ta.
Despues di e bishita di CAft na Aruba, tabata tin un presion enorme pa entrega un presupuesto y minister Angel Bermudez a bisa cu e lo haci su intento di entrega su beleidsarme begroting. Esaki sin tene cuenta cu e maneho y vision di e gobierno nobo. Cu esey nan lo por haya un informacion. Ta spera di haya e cooperacion completo di su banda, y suministra e informacion necesario pa 2017. Lo mester bay traha cu’n presupuesto supletorio 2017 y un presupuesto 2018.
Pa regla, un beleidsarme begroting ta na su luga ora cu tin cambio di gobernacion y esaki ta pa cumpli cu e reglanan di LAft, cu ta reglanan cu gobierno mes a bin cun’e, segun Sra. mr. Evelyn Wever- Croes, formado di gobierno.