PARIS/DETROIT – Ford ta dispone na anuncia e salida di e presidente ehecutivo die compania, Mark Fields, como parti di un remodelacion den su direccion, un fuente den e compania a bisa.
E distitucion di Fields lo tuma luga den un momento di creciente malestar di e inversionistanan pa e evolucion bursatil y e perspectivanan di e empresa.
Forbes y New York Times a publica cu James Hackett, director di e division di ‘Ford cu ta traha riba vehiculonan autonomo, lo tuma e rienda. E anuncio di e compania lo por tuma luga mes pronto cu dialuna mes.
E accionnan di Ford a baha casi un 40 porciento desde cu Gields, di 56 aña, a tuma encargo di e compania tres aña pasa, ora cu a produci un recuperacion di e sector automotriz Mericano.
Awo, e benta di e vehiculonan den e pais ta cayendo y e margennan di rentabilidad di Fort ta bao di esunnan di su competencia, General Motors.
E board di Ford y su presidente, Bill Ford Jr. tabata descontento cu e evolucion di e compania y tabata kier mas garantia cu e inversionnan den autonan automatico, vehiculonan di coriente y servicionan di transporte lo a duna fruta.
E detayenan riba e posibilidad cu lo bay tin mas cambio den gerencia di e empresa no tabata mucho cla dialuna. Wall Street Journal a informa diadomingo cu e compania ta considerando puestonan nobo pa algun di e socionan principal di Fields.
“Nos ta enfocando den nos plan pa crea balor y den un crecimento rendabel,” un vocero di Ford na Europa a bisa, como respuesta na e informacionnan, rechasando comentar riba “speculacion of rumor.”
Fuente: http://lta.reuters.com