Diamars mainta den Parlamento di Aruba a tuma luga e reunion publico pa loke ta e investigacion cu tin rond di Minister Paul Croes y unda Parlamentarionan ta haci nan pregunta y toca tema riba esaki. E reunion publico aki a sigui mas cu 10 ora.
Pero na mas cu un ocasion por a tuma nota via di e transmicion na television cu parlamentarionan di oposicion na mas cu un ocasion mester a hala atencion di publico den tribuna.
Unda tabatin palabranan vulgar tira den direccion di politico ora nan tabata papia e.o un homber lo a coba mama di Parlamentario Glenbert Croes ora cu e tabata papia y presidente di Parlamento no ta worry cu nada.
E otro tabata na momento cu Parlamentario Xiomara Ruiz Maduro tabata duna su palabra un señora campañador di un Minister a invita Xiomara Ruiz pa bringa pafo.
Polis tabata presente unda a hala atencion na e publico den tribuna pa comporta nan mes.