Dia 25 di juni proximo Fondo di Pension di Sector Turistico lo tin nan Asamblea General pa nan miembronan. E dia aki nan lo presenta nan cifranan, lo presenta nan na con e aña a bay. Y lo splica e miembronan di kico ta e plannan cu nan tin pa futuro. Sra. Sanaa Baroud ta splica mas ariba esaki.
Si tin cualkier compania cu ta cay bou di e sector turistico, cu no ta cay bou di ningun compania di seguro, lo ta un bon oportunidad pa ta presenta y asina siña conoce mas di e compania y tambe join e fondo.
Actualmente e fondo tin 9 mil miembro y nan portofolio ta ariba 100 miyon. Nan a crece drasticamente y e ta importante ya cu e ta bo placa, bo mester sa kico ta pasando cu e placa di pensioen, pa sa con ta maneha e fondo y si e ta responsabel of no. Awendia ta importante pa conscientisa tur e miembronan aki na Aruba, pa ta aportando na nan pensioen, mester conscientisanan. Mas lihe un persona cuminsa, mas lihe ta consciente di loke ta pasando cu bo placa y asina tambe por vocifera kico bo kier y kico bo no kier.
Un miembro di e fondo di pension mester ta consciente di unda nan placa ta bay y kico ta wordo haci cu nan. E crecemento di e fondo di pensioen tabata cu 14 miyon florin, den nan inversionnan. E crecemento tambe qua miembresia nan a crece di 8700 participante pa 9400. Y esey ta sin cu nan ta advertise. Nan no ta propaganda, pero mas bien e ta bay di un boca bisa otro.
PFTSA a caba di lansa nan aplicacion unda cu bo mes por calcula bo pension, bo informacion di pension. Nan ta purba di ta mas transparente cu nan miembronan. Miembronan di e fondo di pension ta bin na remarca pa haya un hypotheek, e fondo ta construi e cas tambe pa nan y nan por tuma e hypotheek tambe over. PFTSA ta inverti tambe localmente den companianan grandi y esaki ta bay conhuntamente cu banconan local.
Turismo ta e base principal di nos economia y sector turistico ta defini pa CBS. Tin un lista na cual PFTSA tin cu tene su mes na dje. E ta un lista traha na nivel di UNO y eynan precisamente nan ta bisabo kico tur ta e companianan cu a wordo clasifica pa e turismo. Aworaki, e companianan ey so, PFTSA so por tuma. Pero sector turistico ta un sector masha amplio mes. Ta haya joyerianan, luganan cu ta bende paña, supermercadonan, companianan di huur auto, aerolienanan, tur e companianan di tour, hotelnan. E sector turistico ta un sector hopi amplio mes, y ta inclui e condominionan tambe, segun Sra. Saraa Baroud a finalisa bisando.