Durante un Asamblea General di e Fondo di Pensioen di Sector Turistico pa su miembronan, nan a presenta nan cifranan di 2017. Tambe nan a pidi miembronan pa retiro di e directiva.
Tambe nan a presenta nan aplicacion nobo como tambe duna un indicacion unda e fondo aki ta bayendo. Directiva di PFTSA (Fondo di Pensioen di Sector Turistico) constantemente nan ta bezig cu su miembronan, pa conscientisanan pa aporta mas na e fondo, pa nan mesun pensioen logicamente. Manera cu ya caba nan a splica, mas e trahado aporta, mas e ta haya. Tambe e edad ta hunga un rol. Mas jong bo cuminsa, mas bo ta haya. Ora cu cuminsa laat, edad ta halto, ta un tiki so e trahado ta haya, cu no ta suficiente pa sobrevivi.
Despues di e asamblea, PFTSA ta bin cu plan severo pa conscientisa nan miembronan. E unico problema cu nan tin, ta cu e fondo di pensioen ta mara na trahadonan den sector turistico. Y nan ta haciendo nan best pa conscientisa tur hende, pa cu e pensioen.
CAMBIONAN LABORAL
Ora cu un trahado ta cambia constantemente di trabao, e ta duna e fondo hopi mas dolor di cabes, pero administrativamente, nan tin’e bou di control. Pero e sector turistico ta un sector cu semper tin cambio di trabao. Ora di cambio di trabao, no saca e placa di biaha. Ley ta permiti pa tin un ‘waardeoverdrag’. Pero tampoco ta e bedoeling pa nan cambia e suma di un compania pa un otro. Mas miho ta pa warda te ora cu e trahado ta sigur cu e no ta bin bek den e mesun compania bek, ya cu hopi biaha e trahadonan ta bin bek na e compania cu nan a laga. Of nan ta cambia di un hotel pa otro, constantemente nan ta bezig ta rotate y hopi biaha nan ta keda den e fondo mes. Pero e ta algo cu PFTSA no tin control ariba dje.
CUMPLIMENTO DI LEY
No ta un secreto cu tin hopi compania cu ta retene pensioen di e trahadonan y nan no ta draag nan af niun caminda. E ta algo cu nan no tin ‘grip’ ariba dje. Si nan a acerca gobierno pa yuda bin cu’n plan di maneho pa yuda controla e situacion. E no ta husto tampoco pa e trahado, cu ta paga pa algo cu no ta wordo deposita niun caminda. Gobierno mester bin cu’n sistema di autorisacion, y gobierno ta na altura di e gobierno aki.
ASAMBLEA
Pa miembronan cu no a atende e asamblea, tur informacion di e asamblea lo wordo poni ariba website di PFTSA na www.pftsa.com. Tambe por subi na Facebookpage of pasa na nan oficina na Vondellaan 21-B y na telefon 582-4499.