Dia 23 di Juni, director di Fondo Di Pensioen di Sector Turistico lo tene nan Asamblea General di nan Pensioenfonds. Sra. Baroud ta invita tur nan miembronan pa bin y atende e Asamblea cual ta bay ta na La Cabana, 3 or di atardi.
E ta bon pa cada uno bini, pa asina ta cera conoci cu e Hunta di Directiva. Fondo di Pensioen tin cambio den e Hunto di Directiva, nan tin un Chairman nobo, nan ta bay duna cuenta di e cifranana na e miembronan.
Sra. Baroud a sigui bisa cu Sr. Anselmo Pontilius lo ta e “Guest Speaker” e atardi aki. Sr. Pontilius ta co- fundador di e Fondo di Pensioen aki. Tambe lo bay duna splicacion ariba nan vision cu nan tin, kico ta e proyecto cu nan ta bezig cu nan. Un biaha mas, Sra. Baroud ta enfatiza ariba e importancia pa e miembronan asisti, pa motibo cu e ta informacion di bo pensioen. Y door di esaki, nan ta conscientisa nan miembronan y ta wak con solido e fondo ta.
E Asamblea General ta primeramente pa miembronan di e Fondo di Pensioen. Pero Aruba en general ta invita.
Sra. Sanaa Baroud a splica cu nan a cera 2016 cu 83 miyon, y compara cu e aña anterior, nan a crece di 68 pa 83. Dus nan tin 20 miyon extra na assets. Nan miembronan ta mas di 8 mil y e ta sigui crece. Y ainda tin hopi espacio pa sigui crece. Nan sistema di administracion ta hopi simpel y transparente. Nan miembronan tin acceso online, kico nan doño di trabao a contribui pa nan. E Fondo di Pensioen ta up to date, tanto cu nan Pensioenadministratie y nan Financieel Administratie. Dia 23 tambe nan lo lansa nan app di PFTSA y lo tin acceso na tur bo informacion personal.
Un persona por bin y atende e Asamblea, pero ora cu nan kier afilia na nan compania, nan ta referi na e extracto di Camara di Comercio, y nan statutonan, pa wak si enberdad nan ta cay bou di e sector turistico. Un persona individual no por afilia ariba su mes.
Sector turistico ta un sector hopi amplio. Tin companianan cu bo no ta pensa cu no ta cay bou sector turistico. E ta un lista cu ta registra na CBS, y eynan ta registra. Pero e companianan cu ta duda si nan ta cay of no, bou di sector turistico, por yama na 582-4499 of pasa personalmente na Vondellaan 21- B.
Tambe dia 23 di Juni, durante e Asamblea lo tin coleganan di Fondo di pensioen presente, cu lo por duna splicacion si e compania ta cay bou di sector turistico of no, segun sra. Sanaa Baroud, directora di e Fondo Di Pensioen Sector Turistico di Aruba.