E fondo di pension di e industria turistico ta mescos cu’n spaarfonds. E unico diferencia ta cu bo no por lant’e ora cu bo kier. Bo mester warda te ora cu bo yega na bo edad di pensioen y e ora ta haya un placa pa luna. Sra. Sanaa Baroud, directora di e Fondo di Pension di Turismo ta splica.
Si loke un persona ta paga 50 florin, e ora e persona ta bay haya un lumpsum. Y nan tin hopi hende cu ta bay paga pa e bracket ey. E no ta mescos cu e fondo di pension di gobierno, cu bo ta paga 18% y ta pone 30% un banda. E suma cu ta wordo poni un banda ta un suma hopi chikito. Tin hende ta pagando 50 florin te cu 600 pa 700 florin y tin dos persona cu ta paga 1200 florin. E sumanan no ta halto, ya cu e pagonan ta sumanan chikito.
Pa loke ta inversionnan, Sra. Baroud a splica cu nan inversionnan ta mayoria local. Nan tin consorcionan cu diferente banconan local, nan tin share den diferente compania, y tambe nan tin time deposit ya no ta mucho. Tambe nan a yega di contribui cu bononan di gobierno. E risico mester ta hopi minimal, ya cu nan ta un fondo hopi conservativo, segun Sra. Sanaa baroud, directora di e Fondo di Pensioen di Industria Turistico.