Fokker 70 ta habri su halanan cerca su doño Europeo nobo

0

SCHIPHOL, Hulanda- Cu e despedida di e ultimo Fokker 70 cu KLM Cityhopper, e tipo di avionnan aki masha gusta, tabata core e riesgo di disparce for di e espacio aereo Europeo. Pero toch ainda tin un compania aereo Europeo nobo cu lo kier sigui bula cu e avionnan aki.
Tur e KLM Fokker 70 cu ainda ta den bon condicion pa realisa vuelonan a wordo bendi. E avionnan aki lo cuminsa cu un bida nobo na Africa, Suramerica y na Europa. E compania Cipriota TUS Airways lo cumpra dos Fokker 70. Esaki e directr di KLM Cityhopper, Warner Rootliep a declara na Luchtvaartnieuws.nl.
TUS Airways mas trempan den aña ya caba a cumpra dos Fokker 100 y awo ta desea di tin un Fokker 70 tambe den su flota. E avionnan aki lo wordo uza pa realisa vuelonan Europeo.
KLM Cityhopper, te cu fin di siman pasa, tabata e ultimo usuario di e Fokker 70. Malèv, Avianova, Austrian Airlines, Air Littoral, British Midland, Régional y Carpatair un tempo tambe a bula cu e tipo di avionnan aki.
Fuente: https://www.luchtvaartnieuws.nl