Gobierno ta extende un Flashflood Watch te cu dialuna 3pm. Un Flashflood Watch kiermen cu tin chens cu durante awasero awa por causa molester rato-rato na caminda e awa no por baha liher door cu e tera ta satura.
Un area di presion abou lo por desaroya dialuna den nos vecindario. Esaki por pone cu e biento por varia di direccion. E cambio di biento combina cu un disturbio den nivelnan mas halto di atmosfera y tambe humedad por crea areanan di awasero entre dialuna marduga pa dialuna mainta. Durante e periodo aki por haya Flashfloods si awa yobe duro.
Diamars mayoria di humedad lo bay ta keda oost y noord di Aruba. Pues e condicion pa awasero lo ta menos.
Tuma nota tambe cu door cu e biento lo ta debil y por varia di direccion, e aire lo sinti basta benauwd.
Aunke cu biento por boltia, no ta anticipa niun efecto ariba lama banda di hotel.
E Flashflood Watch ta termina dialuna pa 3’or di atardi.