PHILIPSBURG, Sint Maarten – FIU (Financial Intelligence Unit Sint Maarten) y Ministerio Publico lo ta trahando hunto den e “non-reporting project”. E intension pa esaki ta pa provee mas,, miho y na ora, reportenan di transaccionnan inusual na FIU.
FIU na Sint Maarten ta e supervisor cu ta ehecuta tur investigacion riba institucionnan mandatorio y ta concorda cu e Ordenansa Nacional reportando transaccionnan inusual (LV MOT) y e Servicio di Identificacion di Ordenansa Nacional (LV ID). E negoshi y profesionnan designa no financiero (DNFBP) riba e isla ta inclui notario, accountant, joyero, car dealers, oficinanan administrativo y agentenan di real estate.
FIU riba Sint Maart a bin ta trahando diligentemente riba e registracion y proveendo informacion na e DNFBP y e Institucionnan Financiero riba e isla, ora di bin pa reporta transaccionnan inusual y ehecuta due diligence na e cliente. Un mayoria grandi di e negoshi y profesionnan aki ta adhiri na e registracion y rekerimentonan di informacion, sin embargo un grupo chikito di DNFBP no ta cumpli of no ta cumpli completamente.
Informacion di DNFBP di kende no ta adhiri na e rekerimentonan di registracion na FIU por wordo transferi pa un investigacion criminal di parti di Ministerio Publico.