CARACAS, Venezuela- E fiscal Venezolano destitui, Luisa Ortega Diaz, a solicita un orden di captura di Interpol contra di e presidente Nicolas Maduro. Esaki pa motibo cu Maduro lo a ricibi sobornonan di e constructora Brazilero, Odebrecht.
Ortega Diaz a anuncia cu “nos ta solicitando un captura internacional contra Nicolas Maduro”. Ademas, el a splica cu el a haci peticion pa un investigacion preliminar pa “delitonan di corupcion”.
“Den e investigacion cu nos tin, tin suficiente prueba cu ta compromete su responsabilidad den e recepcion di placa di parti di Odebrecht pa e campaña di Hugo Chavez”, e fiscal a sigura.
El a destaca cu na Maracaibo, estado Zulia, tin 13 obra cu a wordo paga na e constructora y actualmente ta paralisa.
En cuanto e controversial bishita di Maduro na Peru, Ortega Diaz a expresa: “Ohala e bay y cu e ordo di detencion nos logra detene di biaha pa husticia prevalece”.
Fuente: http://www.ntn24.com