CARACAS, Venezuela- E Fiscal General di Venezuela, Luisa Ortega Diaz, diahuebs a introduci un recurso di nulidad contra di e proceso Constituyente cu ta wordo impulsa door di e gobierno di Nicolas Maduro. El a denuncia cu, na su parecer, e Poder Electoral a viola e principio di e soberania constitucional.
“P’esey mi a bin presente e recurso di nulidad, pasobra mi ta considera cu e Conseho Nacional Electoral (CNE) a viola e principionan di progresividad di e Derechonan Humano, e principio di igualdad y di voto”, asina e fiscal Luisa Ortega Diaz a declara na medionan di comunicacion for di e Tribunal Supremo di Justicia (TSJ) na Caracas.
Fuente: www.efe.com