Film di hobennan arma den auto ta tira, ta simbolo di violencia na Corsou

0

WILLEMSTAD- Na Corsou tin un video ta circulando ariba Whatsapp y Facebook, unda por mira cuater hoben arma coriendo rond, ta carga nan arma y ta tira dor di e bentana. Un di e hobennan cu ta sinta patras, ta filma full e escenario, e homber sinta banda di dje como tambe e chauffeur tin nan cara tapa. E pasahero dilanti sinta en cambio si no tin mascarada bisti y por wak su cara bon bon.

Entretanto, polisnan a cuminsa cu’n investigacion. Vocero di polis, Reggie Huggins a bisa cu ya caba nan ta tras di e pista di e hobennan aki y cu por spera un aresto dentro di poco.

E video ta bin na momento cu Minister Quincy Girigorie di Husiticia ta presenta e cifranan di criminalidad pa e prome seis lunanan di aña. E aña aki 24 persona a perde nan bida y e prognosis ta cu e cifra lo subi te na 28, un tercera parti mas cu e añanan anterior.

En comparacion cu Amsterdam, un promedio di binti persona ta muri door di violencia. Pero den e capital ta biba cinco biaha mas persona cu na Corsou.

E cantidad di delitonan caminda cu mortonan ta cay e aña aki ta mas abao cu na 2016. Pero toch mas persona a perde nan bida, a consecuencia di dos caso di tiroteo. Den un, cuater persona a perde nan bida y den e otro cinco. Entre otro, e personanan a wordo tira mata for di un auto.

Polis ta papia di reglamento di cuenta den e circuito criminal, caminda bandanan rival ta bringa otro. Nan ta hopi activo den e mundo di droga. Na 2013, e politico Helmin Wiels a wordo asesina door di un miembro di e banda No Limit Soldiers- un banda di den Koraal Specht.
E banda aki ya pa un par di aña caba tin un guera di droga contra di e banda di Buena Vista. Corsou ta un puerto di transito pa droga procedente di Suramerica pa Merca y Europa. E bandanan aki tin branchnan na Hulanda, segun un investigacion di Ministerio Publico di Corsou.
Segun e hefe grandi na Ministerio Publico, e ex- fiscal General, Guus Schram, e facilidad cu nan ta haya arma ariba e isla ta un problema grandi. Segun Schram, posesion di arma riba e islanan ta bastante integra. Y mirando e film, tambe nan ta wordo glorifica den bandanan caminda e gangnan ta activo.

Fuente: https://nos.nl/