Geneve, SUIZA – Diahuebs, e presidente di FIFA, Giani Infantino, a adverti cu e veto migratorio nobo firma pa e presidente di Merca, Donald Trump, cu ta prohibi e entrada na e pais Mericano di ciudadanonan di seis pais, di mayoria musulman, por impedi cu e mundial di futbol por wordo realisa den dicho nacion.
El a recorda cu Merca mester garantisa e acceso di e pais na hungado, entrenador, arbitro y aficionadonan si nan kier pa e Copa di Mundo di 2026 wordo realisa den e nacion.
Merca ta e faborito pa alberta e Copa di Mundo dentro di nuebe aña, ya sea ta den candidatura individual of conhunto cu uno of dos di su bisiñanan, Mexico y Canada.
“Ora ta trata di un competenci di FiFA, cualkier ekipo, incluyendo su aficionadonan y e delegacion di e ekipo aki, cu ta clasifica pa un Mundial, mester tin acceso na e pais. De lo contrario no lo bay tin Copa di Mundo eynan,” e SuiZo a bisa.
“Esey ta cla. Despues cu cada pais tuma e decision di pusha of no pusha pa alberga un Mundial,” el a puntualisa.
E orden nobo ehecutivo di Trump por daña, ademas di e candidatura di Merca, pa Copa di Mundo di 2026, como tambe e candidatura di Los Angeles pa organisa e Weganan Olimpico di 2024.
Fuente Globovision